Sermon tawi: A TU KAN CAAN HI CAANṬHA A SI

A TU KAN CAAN HI CAANṬHA A SI.

Ngaihmanh u Pathian zaangfah nak hmuh caan cu a tu hi a si i;  khamhnak hmuh ni cu nihin hi a si. (2 KORIN 6:2)

Dawt mi u le nau hna Pathian nih caan akan pek mi caaan chungah hin a tu thengte hi kan caanṭha le kan caan sunglawi bik a si ko.

Zeicah tiah thaizing cu kan phanh rih lo caah zei kan ton lai zong kan chim kho lo. Kan phan hrimhrim lai ti zong kan chim kho fawn lo. Nizan ti le a luan cang fawn i kan khirh kho ti fawn lo.

Cucaah cun a tu caan kan ngeih lio mi te ah hin Bawipa dawtnak le a vel hi relthiam ko hna u sih.

Bawipa kan cung i a ṭhatnak le a dawtnak hi cu a rel in relcawk a si lo i rel khawh ding zong a si lo caah kan si khawh chungin a lawmh tu i lawm peng ko hna u sih.

A kan dawtnak a vel a ngan tuk mi hi kannih nih zeitik hmanhah kan cham khawh ding zong a si lo caah a duhnak tuah le a mah thangṭhat lawng hi kan rian ngan bik si ko seh.

Phungthluk bia ah kan hmuh mi cu thaizing kong kha i phawrhlaw hlah. Cu ni nih zei a chuah pi lai kha na hngal lo a  ti bantuk in thaizing kan phak rih lo mi kong ah phawrhlawt awk zei hmanh kan ngei lo.

Thaizingah, kiptuh ah, kumvui ah, cu tikah kha tik ah kan ti lengmang lio ah hin caan nih a kan liamtak sual ah cun ngeihchih zeihmanh a ṭha hnem lai lo hih. A tu kan caan thengte hi Bawipa caah hman zia thiam ko hna sih.

Nisunglawi caan sunglawi kan ti mi zong an liam thluahmah ko kan i timhtuah hlan le kan i ralrin hlan hna ah Pathian velngeihnak hna nih a kan dihtak sual  ah cun caanṭha dang kan ngei ti lai lo.

Kan nunnak hi zei a lawh lai kan hngalh lo caah nirel thiam ko hna u sih. Nitin kan um kan kal nak le kan ṭhut kan dirnak kipah Pathian thlarau thianghlim in Pathian nih  kan hruai cio  ko seh.

Lomhnak he….

Tin Fam