Lai Baibal Caangthim: Chuahni Lawmhnak (Birthday)

CHUAHNI LAWMH CAAN

Him tein a ka chuahtertu cu nangmah na si i bawhte ka si lioah ṭha tein a ka zohkhenhtu cu nangmah na si. Ka chuah ri in nangmah cu kan bochan zungzal i ka chuah ri in ka Pathian na si zungzal ko. Salm. 22:9-10

Cun ngakchiapate Samuel cu pum in siseh, Bawipa le minung duhning in siseh a ṭhang lengmang. 1 SAMUEL 2:26

Fale hi Bawipa sinin kan hmuhmi ro an si, thluachuah a kan pekmi an si. Mipa nih a no lioah a ngeihmi fapa hna cu ralkap kut chung cantiang bantuk an si. Cu bantuk cantiang a thalbawm khat in a ngeimi cu mi lunglawm a si! Biaceihnak hmun ah a ral kha a ton hna tikah a sung bal lai lo. SALM 127:3-5

Jakob nih, “Bawipa, hi hna hi Pathian nih a ka zaangfahmi ka fale an si,” tiah a leh. Genesis 33:5

Cun nihin ah kan pekmi bia hi na lung chungah na riahter lai i 7na fale kha fel tein na cawnpiak hna lai i, na inn chung i na ṭhut ah siseh, lam i na kal ah siseh, na ih ah siseh, na thawh ah siseh, na chim lengmang hna lai.Deuteronomy 6:6-7

Fale hi Bawipa sinin kan hmuhmi ro an si, thluachuah a kan pekmi an si. Salm 127:3

Tu le fa hi tar hna bawiluchin an si, Fapa hna an sunparnak cu an pale hi an si.Phungthlukbia 17:6

A zulh awk a simi lam kha ngakchia cu cawnpiak law, a upat tikah mah cucu a pialtak ti lai lo.Phungthlukbia 22:6

“Nannih cu nan i thlen i ngakchia bantuk ah nan i can lo ahcun Vancung Pennak chungah nan lut bal lai lo. 4Vancung Pennak chung i a ngan bik cu mi toiah aa dor i hi ngakchia bantuk ah aa cangmi cu a si. 5Cun ngakchia hi bantuk pakhatkhat kha ka min in nan conglawmh hna ahcun, keimah nan ka conglawmh a si.”  6“Hi ngakchia tete pakhatkhat hi keimah an ka zumhnak in a pialtertu hna cu, an hngawng ah facang rialnak lungtum nganpi i thlaih hna seh law, rili chungah paih si hna seh law an caah a ṭha deuh hnga. 10Hi ngakchia tete hi pakhat hmanh zawmhtaih hna hlah u. Annih a vengtu hna an vancungmi kha vancung khua ah ka Pa hmaika ah an um zungzal ko.  Matthai 8:3-6, 10

Jesuh nih cun aa thawh i, “Ngakchia cu ka sinah ra ko hna seh, dawn hna hlah u; zeicahtiah Vancung Pennak cu hi bantuk mi hna ta hi pei a si cu,” tiah a ti.Matthai 19:14

Ngakchia pakhat kha a lak i an hmaiah a dirter. Ngakchiapa cu a kuh i annih cu, 37“Ka min in hi bantuk ngakchia pakhat khat a cohlangmi paoh cu keimah a ka cohlan a si; cun keimah a ka cohlangmi paoh cu keimah lawng kha a ka cohlan si loin a ka thlahtu zong kha a cohlan a si,” tiah a ti hna. Marka 9:36-37

Rel chih ding :  Efisa 5:18-20  Isaiah 40:8 Mathai 14:6 Joshua. 24:17 Joshua 14:13-14 Salm 23:1-6