Mobbing= Minek/zomhtaih/serhsat =bullying = အႏိုင္က်င့္ျခင္း

Mobbing= Minek/zomhtaih/serhsat =bullying = အႏိုင္က်င့္ျခင္း

Mobbing timi cu minung pakhat siloah mibuu pakhat nih a mah le a mah runven a harhmi (mi lawdawr, mi ralchia)minung cung ah thil tha lo va tuah nolh lengmang khi a si.

Cun minung pakhat a thazang dernak kha um tu thiam lo le ningzak/ ngeihchia lak tiang in va soi nolh lengmang/ va capo nolh lengmang zong khi mobbing a si.

Norway ram ah buaipi mi thil pakhat ah a tel. Ngakchia pakhat mobbing a ton tikah ttih a nung tuk! A ruang sianginn ah a nuam ti lo, ttih nak le phan nak in a khat cang, ca cawn ding nak in free minutes ah ka hawi le nih zei dah ka cung ah thatlo nak an tuah lai ti lawng a ruat cang. A upat til zong ah mi sin um a ttih! Hawi kom kawl zong a ttih! Thil chiabik a chuk kho mi cu sianginn bak thial a hau, (Umnak i thial hi Norway ram ahcun thil fawi lo pakhat a si. Single ca cun phundang) mah le mah thahnak a chuah pi kho fawn!

Cu caah mobbing a tlawm khawh chung a tlawm nak hnga nu le pa le sianginn riantuan tu riantuan tti a si. Fale nih an ton sual ahcun sianguk sinah report pek colh a si. Cu hnu ah sianguk nih ngakchia he a peh tlai mi kha bia a ruah colh hna i a rak serhsat tu zong kha a nu le pa auh i bia ruah colh a si.

Chim duhmi cu biapi tuk ah an ruah.

Laimi nih kan i fianmi mobbing cu kawl zatlan chung i kan zoh tawnmi bantuk minung pakhat a ban a hnu lei leh piak i hri in ttem, va hrem, cil chak, chuih chih lawng khin kan ruah! A si naisai lo!

Minung pakhat a tung niam ruang, le a thau ruang, a nah ruang, a muichiat ruang ah ningzak lak tiangin mi soi kan hmang tuk hna.

Kei zong hi ka niam ruangah kawlram ahcun nek ka tong tuk ve, nain ee see si 😉an ka nek ka rak thei lo 😁. Nain dawtnak in a ka capo mi cu an um ve ka theih thiam.

Kanmah upa pawl hi nun kan cawn deuh a hau tiah ka ruah, lungthiang tein ka ni ko kan timi hoi hna midang tlamtlinlonak i kan hei nih ahcun mobbing ah a tla kho.

 

Upatnak he

Ngun Bor Cin

Skien, Norway